Langabeziak nabarmen gora egin zuen abuztuan Hego Euskal Herrian. Espainiako Lan Ministerioak eman berri ditu datuak, eta, guztira, 208.477 langabe daude. Ekainean baino 1.879 langabe gehiago da hori. Iazko abuztuko datuen aldean, 26.341 langabe gehiago daude.
Langabezia Nafarroan ez beste lurralde guztietan hazi da; igoera handiena Araban izan da. Lurralde horretan, %2,63 igo da langabezia. Nafarroan, %0,89 jaitsi da. Iazko datuekin alderatuta, datuak txarrak dira, Araban, Bizkaian, Gipuzkoan eta Nafarroan egin baitu gora.
Gorakada hori oso nabarmena da Nafarroan, 6.945 langabe gehiago baitaude; joan den urtean baino %16,77 gehiago. Igoerarik txikiena Gipuzkoan gertatu da, %11,63 igo baita —4.663 langabe gehiago—.
Datuak
Araba. Abuztu bukaeran 25.469 langabe.
Uztailetik +653 (+%2,63), iazko abuztutik +3.613 (+%16,53).
Bizkaia. Abuztu bukaeran 89.911 langabe.
Uztailetik +1.026 (+%1,15), iazko abuztutik +11.120 (+%14,11).
Gipuzkoa. Abuztu bukaeran 44.745 langabe.
Uztailetik +635 (+%1,44), iazko abuztutik +4.663 (+%11,63).
Nafarroa. Abuztu bukaeran 48.352 langabe.
Uztailetik -435 (-%0,89), iazko abuztutik +6.945 (+%16,77).
Hego Euskal Herria. Abuztu bukaeran 208.477 langabe.
Uztailetik +1.879, iazko abuztutik +26.341.
