Langabeziak behera egin zuen uztailean Hego Euskal Herrian, apur bat bada ere. Espainiako Lan Ministerioak eman berri ditu datuak, eta guztira 206.598 langabe daude. Ekainean baino 295 langabe gutxiago da hori, baina iazko uztaileko datuekin alderatuta iaz baino 24.757 langabe gehiago daude.
Langabezia Araban ez beste lurralde guztietan murriztu da; jaitsiera handiena Bizkaian izan da. Lurralde horretan %0,60 jaitsi da langabezia. Iazko datuekin alderatuta, berriz, datuak txarrak dira; Araban, Bizkaian, Gipuzkoan eta Nafarroan egin baitu gora.
Gorakada hori oso nabarmena da Nafarroan, 7.043 langabe gehiago baitaude joan den urtean baino, %16,87 gehiago. Igoerarik txikiena Gipuzkoan gertatu da, %9,84 igo baita —3.938 langabe gehiago—.
Datuak
Araba. Uztaila bukaeran 24.816 langabe.
Ekainetik +285 (+%1,16), iazko uztailetik +3.391 (+%15,83).
Bizkaia. Uztaila bukaeran 88.885 langabe.
Ekainetik -535 (-%0,60), iazko uztailetik +10.385 (+%13,23).
Gipuzkoa. Uztaila bukaeran 44.110 langabe.
Ekainetik -16 (-%0,04), iazko uztailetik +3.938 (+%9,80).
Nafarroa. Uztaila bukaeran 48.787 langabe.
Ekainetik -26 (-%0,05), iazko uztailetik +7.043 (+%16,87).
Hego Euskal Herria. Uztaila bukaeran 206.598 langabe.
Ekainetik -295, iazko uztailetik +24.757.
