Hego Euskal Herriaren zorraren kalifikazioa jaitsiko duela mehatxu egin du Standard & Poor's rating agentziak: EAEkoa, Nafarroakoa eta Bizkaikoa. Kalifikazioa bi puntutan jeisteko arriskua dagoela jakinarazi du agentziak, Espainiako zorrarenarekin parekatuz.
Erabaki hau Espainiako Estatuaren fidagarritasun maila gutxitzeko aukera aztertu ondoren etorriko litzateke. Standars & Poor'sek esan du Europa osoan ez daudela baldintzak eskualdeen kalifikazioa estatuetakoak baino hobeak izateko: "estres egoera batean, estatuak baino kreditu-ezaugarri hobeak mantentzea; hau da, irabazien gehiengoa estatuarekiko menpekotasunik gabekoa izatea eta estatuak baino ekonomia osasuntsu eta askotarikoa izatea".
Europako beste eskualde batzuekin alderatuz, ordea, EAEk, Nafarroak eta Bizkaiak, euren zorraren kalifikazioa Espainiako zorraren gainetik kalifikatzeko baldintzak betetzen dituztela onartzen du agentziak, baina arriskupean jartzen ditu eurogunearen egoerak euren kredituaren kalifikazioa jeitsi lezakeelako –baita Espainiaren ahultzeak ere–.
