Ekonomia

Espainiako koalizio gobernuko bi alderdiak ados jarri dira alokairuei buruzko dekretuan. Bihar Ministroen Kontseiluak onartuko duen proposamenak sei puntu ditu: besteak beste, familia zaurgarrien etxegabetzeak gelditu egingo dira sei hilabetez, eta lehen etxebizitzen alokairuen kontratuak sei hilabetez luzatuko dira, hots, ez dute igoerarik izango. Etxejabe handien maizterrei zorraren erdia barkatzeko aukera ere aipatzen da. 

«Espainiako eskuinak baino jarrera muturrekoagoa» izatea aurpegiratu die ELAk Urkulluri eta Tapiari. Aranburuk uste du patronalak itxiera baino nahiago zituela kaleratzeak eta aldi baterako enplegu erregulazioak.

«Buruarinkeriaz» jokatzea egotzi dio Confebaskek Espainiako Gobernuari, eta Nafarroako Enpresarien Konfederazioak, berriz, «galga» jartzea susperraldi ekonomikoari. Tapiak dio «zirrikituren bat» dagoela enpresek irekita jarraitzeko.