Donostiako Ospitaleak jakinarazi duenez hil egin da atzo Urnietako Esnelat enpresan zauritutako behargina. 25 urteko langilea mantenu lanak egiten ari zen, sei metroko altueratik erori zenean. Gertatutakoa salatzeko elkarretaratzea egin dute gaur LAB sindikatuak deituta.
Urnietakoa ez zen, ordea, atzoko lan istripu bakarra izan. Goizeko 09:00etan, Gasteizko Zorelor enpresan, 41 urteko behargina harrapatuta geratu zen makina bat erabiltzen ari zenean. Langileari zango bat moztu behar izan diote.
