Hiru hilabetez jaisten jardun ostean, %2,168ra igo da euriborra

Azken 15 hilabeteotako etxebizitza mailegu merkeenak izango dira berrikuspenaren ondoren ordainduko direnak. Apiriletik maiatzera bitartean behera egin arren, euriborra igo egin da uztailean, %2,168raino, baina inoizko mailarik txikienetan jarraitzen du, hala ere.

20 urterako 120.000 euroko mailegua eskatu duenak, hortaz, 11 euro inguru aurreztuko ditu hilero. Azken 15 hilabeteotan izandako bigarren kuota apalena da, ekainekoaren ondotik (%2,103an zen euriborra). Adituen arabera, urte amaiera hurbiltzen den heinean, gora egingo du euriborrak. Abenduan %2,30aren inguruan izatea espero dute. Europako Banku Zentralak interes tasak igoko dituen susmoek eragiten diote gorantz.