Hiru Euskal Herriko Garraiolarien Sindikatukoak bidesarien inguruan "era koherentean" jokatzeko galdegin dio Bilduri. Sindikatuak adierazi du orain bitarte Bildu Gipuzkoan bidesariak jartzearen aurka agertu dela, eta beraz, N-1 errepidean bidesaria ezartzeko aukera aintzakotzat hartzea "ez datorrela bat aurretik erakutsitako jarrerarekin".
Gipuzkoako Aldundiak N-1 errepidean kamioientzako bidesaria ipintzeko aukera aztertzen ari dela aurreratu zuen atzo, lurraldeko errepideen finantzaketa orekatu ahal izateko.
Sindikatuaren esan du ez duela ulertzen zergatik erabili dituen Bilduk orain, EAJk eta PSE-EEk Etxegarateko bidesaria babesteko erabili zituzten argudio berak. Hiruk gaineratu du N-1 errepide "arriskutsu, eskas eta kolapsatua" dela, eta hala, herrialdeko biztanleak zerga eta bidesari bidez baldintza txarretan dagoen errepidea bi aldiz ordaintzera behartzea "iraingarria" dela.
Hiruk erabat aurka dagoela azpimarratu du, eta azaldu azpiegitura hauek ordaintzeko modua gainontzeko zerbitzu publikoak ordaintzeko sistema bera behar duela izan.
