Iaz baino %43 gehiago irabazi du Irizarrek

DONOSTIA. Aurtengoa urte ona izaten ari da Irizarrentzat. Ormaiztegiko autobusgileak iaz baino %43 gehiago irabazi du lehenengo hamar hilabeteetan. Munduan barrena dituen lantegi guztietan erdietsi ditu irabaziak, eta sektoreko enpresarik garrantzitsuenetako bat da egun. Egunotan Madrilen egiten ari diren azokan, modelo berria aurkeztu du, gainera: Irizar i6.