Indesa garbitegiko hamasei langilek itxialdi bat hasi zuten atzo arratsaldean, euren lan baldintzak salatu eta soldata handiagoak eskatzeko. Gaur joan dira Espainiako printzeak garbitegia inauguratzera, eta goizaldean aterarazi dituzte langileak garbitegitik.
Osakidetzako garbiketa zerbitzua pribatizatzeko asmoa salatzen ari dira langileak. Kritikatu dute inaugurazioetarako eta horrelako ekitaldiak egiteko dirua badagoela baina ez, ordea, haiei lansari handiagoak ordaintzeko. Lantegiaren aurrealdean egingo dute protesta.
Enpresa publikoa da Indesa, Arabako Diputazioarena; 670 langilek dihardute lanean.
