Prezioak jaitsi egin ohi dira urtarrilean merkealdia dela medio, eta 2014a ez da salbuespena izan. Nafarroan jaitsi dira gehien (-%1,8), eta Araban (-%1,5), Bizkaian (-%1,4) eta Gipuzkoan ondoren (-%1,3).
Urte arteko inflazioan ez da aldaketarik izan, eta oso maila apaletan jarraitzen du, %0,4an. Argindarra abendutik hona garestitu arren, neurri batean hori konpentsatu du erregaiaren jaitsierak.
Espainiako Ogasuneko Estatu idazkariak "oso positibotzat" jo du datua (%0,2 Espainian). Haren iritziz, horri esker ekonomiak lehiakortasuna irabaziko du, eta soldaten izozteak edo jaitsierak ez du erosteko ahalmen galera handia eragingo. Datu horri esker, urtearen amaieran ekonomia aurreikusitako %0,7 baino gehiago haztea espero du. Hori bai, Mario Draghi EBZko lehendakariak bezala, Marta Fernandez Currasek baztertu egin du ekonomia deflazioan erortzea, hau da, prezioen egoera orokor bat eragitea.
