Irabazi oparoak izan arren, Iberdrolak langileak bota dituela salatu du ELAk

BILBO. Gaur du urteroko batzarra Iberdrolak, Bilbon. Horren atarian, ELAk salatu du argindar konpainiak lanik gabe utzi dituela CTCko 70 langileak, beste bi enpresari eman dielako kontagailuak irakurtzeko kontratua. Sindikatuak dioenez, Iberdrolak Hegoaldean eta Espainian 410 milioi irabazi zituen iaz, 270.000 euro langile bakoitzeko.