Irailera arte 38,9 milioi euro irabazi ditu Vidralak

GASTEIZ. Urtarriletik irailera 38,9 milioi euroren irabaziak erdietsi ditu Vidrala enpresa arabarrak, iazko lehen bederatzi hilababeteetan baino %21,9 gehiago. Elikagaientzako beirazko ontzien fabrikatzailearentzat inoizko urterik onena izaten ari da aurtengoa. Sekula baino gehiago irabaziko dutela ziurtatu du Carlos Delclaux presidenteak.