Iruñeko Udalak aurtengo aurrekontua %10,5 murriztuko duela jakinarazi du gaur Enrique Maya alkateak (UPN). Horrela, 25,2 milioi euro aurreztu nahi ditu.
Proiektuak sailak jasoko du murrizketarik handiena: %75ekoa. Hurrena daude Hirigintza eta Etxebizitzak, %18arekin.
Nafarroako Gobernuak, berriz, aurten baino %3 txikiagoa izango du 2012ko aurrekontua, betiere gaur Bozeramaileen Batzordeak onartutako egitasmoa legebiltzarrak ontzat jotzen badu. 12.733.846 eurokoa litzateke aurrekontua. Azaroaren 7tik aurrera hasiko da tramitazioa.
