Iruñeko Udalak 2012ko aurrekontuetan murrizketa garrantzitsuak egiteko asmoa du, kontuen aurreproiektuak udal langileen soldatak izoztea eta 30 lanpostu kentzea planteatzen baitu. Beste 39 lanpostu bete gabe utziko lituzke.
Enrique Maya (UPN) alkateak gaur aurkeztu du egitasmoa, prentsaurrekoan. Aurrekontua 200,4 miloi eurokoa litzateke, aurten baino %16 txikiagoa.
Alkatearen arabera, aurrekontuak "errealistak, gaur egunera egokituak eta arduraz egindakoak" dira. "Ez dugu xahutuko behar baino euro bat gehiago". Diru sarrerak eta gastuak %6,18 jaisteko asmoa du Iruñeko Udalak.
UPNk 11 hautetsi ditu han, NaBaik 7, PSNk 3, Bilduk 3, PPk 2 eta Ezkerrak 1.
