CCOOk gaur esan duenez, abenduaren 16an langile bat hil zen Irunen, Behobia auzoko taberna batean lanean ari zela, baina sindikatuak dio heriotza ez ziotela jakinarazi Osalani. "Larrialdi zerbitzuek gorpua zuzenean ehorztetxera eraman zuten, ikerketa zehatzik egin gabe. Irregulartasun larria da".
CCOOk jakinarazi du abenduaren 16 hartan behargina ez zela etxera itzuli, eta ordu batzuetara senide bat joan zela tabernara. Lurrean topatu zuen, burua odoletan zeukala. Pattys ostatuan egiten zuen lana, eta 54 urte zituen.
Sindikatuak Osalani eskatu dio "lan istripu" guztiak ikertzeko.
