Italiaren zorrari kalifikazioa jaitsi dio Standard&Poorsek

Standard & Poors AEBetako rating agentziak kalifikazioa jaitsi dio Italiaren zorrari. A+ zeukan lehen eta A nota eman dio orain, perspektiba ezkorrarekin, gainera, ekonomiaren hazkundearen inguruko aurreikuspenak onak ez direlako. Agentziaren irudiko, Italian agintean den koalizioa «oso ahul» dago, eta horrek zorraren krisiari aurre egiteko neurriak eraginkortasunez hartzea oztopatzen du. Baina Italia ez da izan kalifikazio agentzia baten ustekabeko bisita izan duen euroguneko herrialde bakarra. Moody's-ek hilabeteko epea eman dio Espainiari defizita murrizteko abian dituen neurrien efizientziaz konbentzitzeko. Horrela ezean, kalifikazioa jaitsiko diola jakinarazi dio.