Itsasontziko langileen kezka

ELAk eta LABek deituta, Bilboko portuaren sarreran elkartu ziren atzo Pride of Bilbao itsasontziko langileak, irailean beraien lanpostuak galduko dituztela salatzeko. Hamazazpi urteren buruan, Santurtzi eta Portsmouth (Ingalaterra) lotzen dituen ferry ibilbidea etetea erabaki du P&O Ferries enpresak, dirua galtzen duelakoan. Erabaki horrek arriskuan jarri ditu itsasontzian eta lurreko zerbitzuetan aritzen diren 252 langileen etorkizuna.