Arantza Tapia Eusko Jaurlaritzako Ekonomia Garapenerako sailburuarekin biltzea zen langileen asmoa: "Gurekin eta eskualdeko beste hainbat langilerekin zer egiteko asmoa duten azaltzea nahi dugu". Dozenaka langilek parte hartu zuten itxialdian, eta gaur, Maiatzaren Lehenean, amaitu dute itxialdia. Ez diote, baina, mobilizatzeari utziko: "Ez dugu inondik inora baztertzen berriro horrelako egitasmoak egitea, beharrezkoa bada. TSko langileak izaten jarraitzen dugu, eta TSgatik lanean eta mobilizatzen jarraituko dugu”.
TS Fundiciones itxita dago martxotik. Jabeek hura likidatzea erabaki zuten, «estrategia hutsetik abiatuta, 156 familiekin gogoratu gabe». Likidazio plana aurkeztu du enpresak, eta behin betiko itxiera salatzeko protestara bildu ziren langileak.
Enpresa lehiaketara aurkeztea jabeak aberasteko dela adierazi dute langileek: «Enpresak onartutako konkurtsoa dela eta, Jaurlaritzaren oniritzi eta babesa duena gainera, zuzendaritzak espekulaziorako eta euren poltsikoak betetzeko darabilten estrategia besterik ez da».
