Jaurlaritzak Hazi sortu du, lehen sektorea sustatzeko

GASTEIZ. Araban, Bizkaian eta Gipuzkoan landa eta itsas inguruneak sustatzeko 40tik gora erakunde publiko zeuden orain gutxira arte. «Tamaina horretako egitura bati eustea ez zen ez arrazoizkoa, ez zentzuzkoa, ez justifikatzeko modukoa», Pilar Unzalu Eusko Jaurlaritzako Ingurumen sailburuaren hitzetan. Horregatik, erakunde horiek bakar batean bildu dituzte. Hazi jarri diote izena.