Hiru arrazoi zerrendatu ditu Arantza Tapia sailburuak Espainiako Gobernuaren legeari helegitea jartzeko: batetik, eskumenen kontra doalako; bestetik, gobernuak "errespeturik gabe zentralizazio politika zehatz batekin" jarraitzen duelako; azkenik, Jaurlaritzak ez duelako onartuko "komertzioek erabateko liberalizazioa izan dezaten".
Jaurlaritzak 2012. urteko lege aldaketa Auzitegi Konstituzionalera eraman zuen, merkataritza alorrean Gernikako Estatutuak aitortzen dion eskumen osoa urratzen zuela iritzita. Helegite horretatik kanpo utzi zuen turismo handiko eremuei zegokien partea.
Era berean, Bilboko hiru eremu "turismo handiko eremu" izendatzea onartu zuen Jaurlaritzak irailaren 2an, eta merkataritza ordutegiak erabat liberalizatuta izango dituen Hego Euskal Herriko lehen hiria izango da Bilbo.
