Joan zen asteazkenean jakinarazi zien zuzendaritzak hango langileei 250 langile kalera botako dituztela, eta gainerakoei ez diela lanpostua bermatzen 2018ra arte baizik. Protestan ari dira berria eman zietenetik, eta manifestazioa egin dute Iruñean, autobus geltokitik Sarasate pasealekura. 17:00etan irten dira, eta milaka lagunek egin dute bat deialdiarekin.
Lan gatazkak dituzten beste enpresa batzuetako langileek ere bat egin dute manifestazioarekin; tartean, Alstomekoek:
#ALSTOM-eko langieak #TRW-koekin bat!lXs currelas de #ALSTOM#Buñuel con #TRWfuturoparatodos@nafar_telebistapic.twitter.com/pYX32YVOMA
— Mikel Navarro (@MikelNavarro_) January 30, 2016Nafarroako Parlamentuko talde guztiek babestu dute protesta, eta bertan izan dira, besteak beste, legebiltzarreko presidente Ainhoa Aznarez, Ezkerrako Jose Miguel Nuin, UPNko Jose Javier Esparza, PPko Ana Beltran, EH Bilduko Bakartxo Ruiz, Ahal Dugu-ko Laura Perez, Geroa Bai-ko Koldo Martinez... Martxara batu da Joseba Asiron Iruñeko alkatea ere, ELA, LAB, CCOO eta UGT sindikatuetako ordezkariez gain.
Geroa Baik TRWko langileen aldeko manifestaldiarekin bat egin du.#TRWfuturoparatodospic.twitter.com/KeVVNJ8D2y
— Geroa Bai (@geroabai) January 30, 2016TRWko 250 behargin kaleratzeko arriskuan jarri dituen erregulazio espedienteari aurre egiteko, Volkswagen Polo modelo berriaren direkzioak eurek egitea proposatu du langileen batzordeak. Arazoa konpontzeko "aukera ona" litzatekeela uste dute —Iruñeko Landaben auzoan dute egoitza bi enpresek—, eta urratu beharreko negoziazio bide bat dela. Nafarroako Gobernuko lehendakariorde Manu Aierdik egin bezala, Landabengo fabrikako gerenteak ere VWi presio egiteko eskatu die, direkzioak Iruñean ekoitz ditzaten.
