Eusko Jaurlaritzako Segurtasun Sailak jakinarazi du kamioilari bat zendu dela gaur goizean Irunen (Gipuzkoa) izandako auto istripu batean. Istripua 09:45 inguruan gertatu da, Errenteria eta Irun lotzen dituen GI-636 errepidean.
Bi kamioik aurrez aurre jo dute, eta haien atzetik zihoazen bi autok ere talka egin dute haiekin. Kolpearen ondorioz, oso larri zauritu da kamioi txikienetako baten gidaria; ibilgailuan harrapatuta geratu da, eta anbulantzia inguratu denerako hilda zegoen. J.E. da hildakoa, 59 urtekoa eta Lesakakoa (Nafarroa).
Autoetan zihoazen hiru lagun arin zauritu dira.
