Kataluniak soldatak eta opor egunak gutxituko dizkie bere funtzionarioei

Kataluniako Generalitateak murrizketa gogorrak ezarri nahi ditu bere 230.000 langileen lan baldintzetan. Aparteko sarien zati bat kenduko die, hainbat osagarri ezabatu eta pentsio funtserakodirurik ez die emango. Gainera, opor egunak murriztuko dizkie eta seme-alabek zaintzeko ordu gutxiago egiteko aukera kenduko die. Langile kopurua jaisteko, oposaketak etengo dituzte eta behin behinean dauden asko kalera botako dituzte. Sindikatuek «gerra deklaraziotzat» jo dituzteproposamenak. «Inoiz ez zizkiguten hain murrizketa basatiak planteatu», salatu du UGTko Xavier Casasek. Neurri horiekin funtzionarioek soldaten %20 galduko dituztelaziurtatu du CCOOko Montse Rosek, eta galera %50koa izango dela krisi aurrekoarekin konparatuz gero.