KONSTITUZIOA ALDATZEAREN KONTRA

CCOO, UGT eta LSB-USO sindikatuek kontzentrazioa egin zuten atzo arratsaldean Bilbon. Espainiako Kongresuak Konstituzioa aldatu eta defizita Konstituzioaren bidez mugatzeko hartutako erabakia salatu zuten 200 bat lagunek. Gaur bozkatuko dute aldaketa Senatuan. Halako erabaki bat hartzeko herri galdeketa egin behar dela ere esan zuten. Espainiako CCOOk eta UGTk manifestazioak egin zituzten Madrilen eta Bartzelonan.