LAB: «Lanbideren erreforma desastrea da»

DONOSTIA. Lanbideren berregituraketa «erabateko desastrea» izan dela ziurtatu du LABek agiri baten bidez. Batetik, «zentzugabekeria» izan zen Jaurlaritzak enplegurako politika aktiboak jasotzea lan araudian eskumenik izan gabe, eta EAJk Patxi Lopezen kontura «garaipen politikoa lortzeko» modu bat baizik ez zen izan. Bestetik, Jaurlaritzak «kudeaketa penagarria» egin du, Lanbide berritua nahiko langile eta baliabide materialik gabe lanean jarri duelako. Ondorioa, langileen nekea eta zerbitzuen okertzea izan da, LABen ustez.