Espainiako Poliziak Oskar Cayon LAB sindikatuko kidea atzeman du gaur, greba orokorrean CEN Nafarroako Enpresarioen Konfederazioaren egoitzara margoak botatzea leporatuta.
Atzo eguerdian LABeko beste kide bat atxilotu zuten, sindikatuak Iruñean duen egoitza inguruan. LABen iritziz, joan den osteguneko lanuzteak izandako arrakasta ezkutatzea da atxiloketaren helburua.
Atxiloketa horiek salatzeko eta lan erreformaren aurka egiteko, elkarretaratzera deitu dute gaurko, 18:00etan, CEN egoitzaren aurrean.
ELA sindikatuak atxilotutakoak aske uzteko eskatu du, eta atxiloketak "greba eskubidea kriminalizatzeko saiakera" direla gaineratu du.
