Lan erreforma nahi du Tubacexeko presidenteak

BILBO. Enpresek «berehala» behar dute lan erreforma, Alvaro Bidegain Tubacexeko presidentearen esanetan. Zertarako? Lan kostuak merkatzeko. «Bestela», esan zuen Bidegainek, «lan kostuak garestiagoak direnez, kalte handia egiten diete enpresen lehiakortasunari». Bidegainentzat, lan kostuez gain, «arazo larriak» dira produktibitatea eta langileek huts egiten dituzten egunak.