Lan eskaria handitu egin da Gasteizko Mercedesen

GASTEIZ. Vito furgonetaren eta Viano monobolumenaren bertsio ekologikoenak ekoizten hasteak suspertu egin ditu eskariak Mercedesen Gasteizko lantegian. Aurten 69.400 furgoneta egitea espero dute, aurreko aurreikuspenean baino 6.400 gehiago. Dena den, urtean 92.000 ibilgailu egin behar dituzte indarrean dagoen dosierra bertan behera uzteko. Hirugarren dosierra da jarraian.