1.200 lagun bildu dira goiz honetan Baionan, lan merkatuaren erreforma proposamena salatzeko. Urtarrilean adosturiko lege proiektua "patronalaren onurarako" egina dela diote CGT, FO, FSU eta Solidaires sindikatuek. LAB sindikatua ere egon da protestan, "langileen kontrako erasoa" salatzeko. Lege proiektua moldatzeko edo ezeztatzeko deia egin diete parlamentariei.
Lan merkatuaren erreforma proposamen baten inguruan ados jarri ziren urtarrilean patronalerako MEDEF, CGPME, UPA eta langileriarentzat CFDT, CFTC eta CFE-CGC sindikatuak; FOk eta CGTk, haatik, ez zuten izenpetu. Gobernuaren esku utzi zuten adosturiko testua. Martxoan, lege proiektu bat aurkeztua izanen da Ministroen Kontseiluan, eta apiril-maiatzean aztertuko dute parlamentariek.
