Lanbideren errentadunak, boluntario izateko bidean

GASTEIZ. Diru sarrerak bermatzeko Lanbideren errenta jasotzen duten herritarrak Gurutze Gorrian eta DYAn boluntario gisa aritzea nahi du Eusko Jaurlaritzak. Gemma Zabaleta Lan sailburuak jakinarazi du Lanbide bi erakunde horiekin elkarlanerako akordioa sinatzekotan dagoela. Lanbideren errenta jasotzen dutenen gizarteratzea eta lan munduan sartzea erraztea ei da akordioaren helburua.