Gizarte Segurantzako Ministerioak gaur emandako datuen arabera, Hego Euskal Herrian 38.264 autonomok jasoko dute gaur langabezia sari berezia. Konfinamenduaren ondorioz beren jarduera ekonomikorik gabe geratu direnek edo fakturazioaren %75etik gora galdu dutenek dute saria jasotzeko eskubidea.
Datu ofizialen arabera, 42.381 eskaera egin dituzte Hego Euskal Herriko langile autonomoek, eta horietatik 4.117 bota dituzte atzera, %9,7 hain zuzen ere.
Saria kotizazio oinarriaren %70ekoa da. Hau da, Gizarte Segurantzan gutxieneko kopurua kotizatzen dutenek 661 euroko saria jasoko dute.
