Langile bat hil da Basaurin, pisu handiko pieza batek azpian hartuta

Basauriko (Bizkaia) Guibisa enpresan lan ezbehar handia gertatu da gaur goizean: beharrean ari zela hare prentsatu puska bat amildu zaio gainera Jose Luis C.F. langileari, buruan jo du, eta zanpatuta hil da. Pisu handiko piezak seriean egiten dituzte Guibisan, eta galdaketa elkarteak jakinarazi duenez, piezak egiteko erabiltzen dituzten hare pentsatuzko molde bat desegin egin da, eta haren zati batek jo du langilea buruan. Enpresako langileek 48 orduko lanuztea egitea erabaki dute.