Nafarroako Gobernuak jakinarazi duenez, Mecanicas Areta azpikontratarentzat ari zen lanean behargina. Teilatua konpontzen ari zela, gehiegi igo du teilatura igotzeko makina, eta sabaiaren kontra jota hil da, buruan jasan duen zauriaren ondorioz.
Gizonezkoa zen langilea, eta 60 urte zituen, Nafarroako Gobernuak jakinarazi duenez. Gobernuak gaineratu du momentuan hil dela. Larrialdi zerbitzuak iritsi direnerako heriotza egiaztatu besterik ezin izan dute egin.
Hiru astean sei langile hil dira; iragan astean, asteazkenean hil zen kamioilari bat Deskargako lanetan, Antzuolan. Lubeta batetik behera erorita zendu zen. Hilaren 13an, berriz, Karrantzan hil zen behargin bat, karpa bat muntatzen ari zenean elektrokutatuta.
