Trapagarango (Bizkaia) Nervacero lantegian sutea piztu da eguerdian. Bertako langileetako bat Gurutzetako erietxera eraman behar izan dute arnasa hartzeko arazoekin.
Dirudienez, txinparta bat erori da olioa zegoen toki batera eta horrek eragin du sutea. Beste langile batzuk ere arazoak izan dituzte, baina lantegian bertan artatu dituzte.
Suhiltzaileek ordubete inguru behar izan dute sutea itzaltzeko.
