Langile bat zauritu da Santurtzin, metalezko eskora batek buruan kolpatuta

Behargin bat zauritu da gaur goizean Santurtzin (Bizkaia), lanean ari zela metalezko eskora batek garezurreko zonalde parietalean kolpatu ondoren. Zauritua 27 urteko I.S.N. gizonezkoa izan da, DYAko larrialdietako arloak jakinarazi duenez.

Istripua 9:09an izan da, Mamariga kalean, frontoiaren ondoan. DYAkoek bertan artatu dute zauritua. Ondoren, San Juan de Dios erietxera eraman dute, frogak egin al izateko, eta bertan dago.