Barack Obama Ameriketako Estatu Batuetako (AEB) Gobernuko presidenteak gaur igorri du Kongresura lanpostuen aldeko plana —447.000 milioi dolarrekoa—, eta Etxe Zurian egindako hitzaldian behin eta berriz eskatu du egitasmoa "berehala" onartzeko. "Izan ere, plan honek jendea herrialde osoan lanean jarriko du berriro".
Oposizioari "gai honekin" ez jokatzeko galdegin dio. "Hamalau hilabete falta dira presidentzia hauteskundeetarako, eta lanik barik dauden milioika estatubatuarrek ezin dute ordura arte zain egon", esan du Obamak. Haren arabera, planak demokraten eta errepublikarren proposamenak jasotzen ditu.
Gaur egun %9koa da AEBetan langabezia.
