Lehen greba eguna egingo dute gaur Mercabilbaon

BILBO. Mercabilbaoko arrandegietako eta itsaski enpresetako langileek aurreikusitako lehen greba eguna egingo dute gaur, soldatak bere hartan uztearen eta enpresa bakoitzak bere egutegia egitearen kontra. Abenduaren 22an, 23an, 24an, 29an, 30ean eta 31n ere egingo dute greba. Langileek 900 euroko soldata dute hilean eta ez dute hitzarmenik sinatu azken bi urtean.