Erregaia
LPEEren petrolio upelak 40 dolarreko muga gainditu du lehen aldiz
Azken boladako goranzko joerarekin jarraituz, LPEE Lurralde Petrolio Ekoizleen Erakundearen petrolio upelak prezio marka berria ezarri du; gainera, oraingoan, upeleko 40 dolarreko prezioa gainditu du. Zehatz-mehatz, LPEEren petrolio upela (159 litrokoa) , batez beste, 40,04 dolarretan saltu zen atzo, hau da, bezperan baino 37 zentimo garestiago. LPEEren zein beste petrolioen garestitzea kezka handia sortzen ari da nazioarteko merkatuetan eta, oro har, gizartean.
Petrolioaren garestitzean hainbat faktore ari dira eragiten: Errusian Yukos petrolio enpresa erraldoiaren inguruan dituzten gorabeherak, Irakeko gatazkak sortutako arazoak... Baina faktore kointural horiez gain, egiturazkoek ere badute zeresana. Izan ere, petrolio eskaria handitzen ari da (batik bat, Txinan eta AEBetan), eta, ondorioz, eskaerak ekoizpen gaitasuna gainditzeko beldurra piztu da.
Iruzkinak
Ez dago iruzkinik
Ordenatu
