"Laborantzan aritu nahi duen jendea ez da eskas, lan tresna atzematea da zailena", dio Marie Christine Elizondo Lurzaindia egiturako ordezkariak. Horretarako, lurrak merkatu espekulatibotik atera eta horietan laborariak instalaraziko ditu egitura berri honek.
"Lurzaindiak Euskal Herriko lurraldearen antolaketan inplikatu nahi du, lurra gaizki baliatua den aldi oro zerbait egiteko". Orain arte zegoen GFA Lurra da Lurzaindia bilakatu, egitura berri honek GFAk ez zituen abantail batzuk dituelako. Hori dela eta, GFA Lurraren 700.000 euroko kapitalarekin abiatu da Lurzaindia. Horrez gain, 350.000 euro bildu nahi dituzte. Herritarrek, elkarteek zein instituzioek eman dezakete dirua.
