Maasa enpresako bi kaleratze, bertan behera

IRUÑEA. Noaingo Maasa enpresak bi langile kaleratu zituen iazko uztailaren 31n, baina Nafarroako Justizia Auzitegi Nagusiak baliogabetu egin ditu. Langileek salatu zuten Solidari sindikatuko kideak izateagatik kaleratu zituztela. Iruñeko auzitegi batek arrazoia eman zien azaroan eta Nafarroako Justizia Auzitegi Nagusiak ostiralean.