Roberto Pastor CCOOko ordezkariak azaldu duenez, gainera, martxoko azken astean, apirileko lehenengo bietan eta udan hainbat geldialdi ere egingo dituzte. Pastorrek dioenez, "onargarria" da neurria, hitzartutako baldintzak "arrazoizkoak" direlako. Soldataren %80 bermatua lukete langileek, eta oporren eta aparteko sarien %100.
Zuzendaritzak Gasteizko lantegian ezarriko lukeen bosgarren dosierra da; 3.138 langile daude planta horretan. Bartzelonan ere erregulazioa ezarriko du Mercedesek; 160 behargin daude han.
Ostiralean eman zuen dosierraren berri zuzendaritzak, eta orain zabalik dago 15 eguneko kontsulta fasea.
