Metalgintzako langileen protesta gaur, Donostian

DONOSTIA. Gipuzkoako metalgintzako ELAko eta LABeko ordezkariek lau eguneko grebarako deialdi ofizial egin zuten atzo, Lan Ordezkaritzan eta Adegi patronalean. Sindikatu horiek deituta, manifestazioa egingo dute gaur 11:30ean Donostiako Bulebarrean, «Adegiren nagusikeria» salatzeko. CCOOk ez du bat egin grebarekin, ELAren eta LABen «irudi garbiketa» delakoan.