MURRIZKETEK ZAPUZTUTAKO DESFILEA

Greziari zorraren erdia barkatzeak ez du greziarren haserrea baretu. Atzo ere milaka herritar atera ziren kalera gobernuak hartutako murrizteko neurri gogorren kontra protesta egitera. Atzo, gainera, protestak ez ziren hiriburuan bakarrik izan. Tesalonikan, bertan behera utzi behar izan zuten Grezia II. Mundu Gerrara sartu zela gogorarazteko urriaren 28an urtero egin ohi duten militarren desfilea. Esan liteke armadari ere murrizketen ondorioak sufritzea egokitu zaiola.