Hainbat eragile sozial eta sindikalek larunbaterako Bilbon murrizketen aurka deitutako manifestazioa hilaren 25era atzeratu dute, gaur antolatzaileek jakinarazi dutenez. Egun hauetako eguraldiagatik hartu dute neurria. Martxa 18:00etan hasiko da, Jesus Bihotzetik.
Besteak beste, ELA, LAB, ESK, EILAS, CGT, EHNE, Hiru, SOS Arrazakeria, Gaztedia Kontseilua eta langabeen elkarte batzuk dira antolatzaileak. Murrizketen aurrean "aski da!" esateko garaia dela uste dute. Horretarako, indarrak batzeko dei egin dute.
70en bat mugimendu sozialen atxikimendua jaso dutela esan dute gaur Luz Fernandez eta Patxi de la Fuentek.
