Uztailaren 1etik abenduaren 31ra bitartean egongo da indarrean Navalek aurkeztutako bederatzigarren erregulazio espedientea. 234 langile ditu ontziolak, eta gehienez 131ri eragingo die. Langileen ordezkariek azaldu dute "jakitun" direla uneotan ez dagoela denentzat lanik.
Akordioaren ondorioz, enpresak iragarri baino langile gutxiagori etengo zaiela kontratua nabarmendu dute. Orain bi aste aurkeztu zuen espedientea Navalek, eta 140 langileri eragingo ziela jakinarazi zuen.
Maiatzean albiste onak iritsi ziren Sestaoko ontziola historikora Herbehereetako TESO konpainiarekin sinatutako kontratu berriaren harira, baina lan karga emango duen ferrya ez da nahikoa izango ontziolak duen egoera larria konpontzeko. Ez behintzat momentuz, zenbait lanetan hasi arte hilabete batzuk pasa beharko baitira.
