Oinarrik laguntza eskatu du enpresak kapitalizatzeko

BILBO. Oinarri berme elkarteak enpresak kapitalizatzeko eta birfinantzatzeko neurriak eskatu dizkie erakundeei. Haren esanetan, oraindik ekonomiaren hazkundea oso txikia da, eta eskaerak suspertu artean «erritmoa hartzeko oxigenoa» beharko dute enpresek. Iaz, hirukoiztu egin zen Oinarrik emandako berme kopurua, 171,5 milioi eurora arte, hain zuzen.