Mikel Urizarbarrenak (Zaldibar, Bizkaia) sortu zuen Panda Software enpresa, 1990. urtean, baina azken urteetan Jose Sancho izan da akziodun nagusia (akzioen %60 zituen), eta Gaia Capital funtsarena zen gainerakoa.
Bilboko Miribilla auzoan du egoitza nagusia, baina Europako eta Ameriketako hamasei herrialdetan ditu bulegoak. Guztira, 500 langile ditu.
Duela urtebete, salgai jarri zuten konpainia, eta WatchGuard Techonogies Seattleko (AEB) enpresak erosi du azkenean, jakinarazi ez duten prezio baten truke. Sektoreko iturrien arabera, 250 milioi euro inguruko prezioa zuen.
«Oso pozik gaude WatchGuardekin bat egin dugulako; horri esker, neurri berri bat lortu dugu, eta aukera handiagoak ematen dizkie Panda Securityko bezeroei eta bazkideei», azaldu du Pandako kontseilari ordezkariak, Juan Santamaria Uriartek.
Espero da erosketa urteko bigarren hiruhilekoan gauzatzea.
