Pentsioen erreforma salatu dute Erroman

ERROMA. Urte amaieran gizonezkoen erretiro adina 65 urtetik 66ra atzeratzea erabaki zuen Italiako Gobernuak, eta 60tik 62ra emakumeena. 2022rako 67 urtera pasatuko da batzuen zein besteen adina. Neurriak nora ezean utzi ditu aurretiazko erretiroa adostu zuten langileak nahiz erretiro adina gertu ikusita lana uztea erabaki zutenak. Sindikatuen arabera, 300.000 lagun daude egoera horretan. Atzo, hiru sindikatu nagusiek deituta, manifestazioa egin zuten Erroman.