Atzo gauean hiru lagunek pintura gorrizko poteak jaurti zizkieten lana amaiatuta kalera ateratzen ari ziren Arrasateko batzokiko bi langileri, EAJk azaldu duenez.
Pintura gorriaz gain, bi panpina eta TTIP akordioren, EAJren eta PSOEren aurkako kartel bat ere utzi zituzten batzokiaren atarian.
EAJk "erasoa baztertu eta salatu" du: "Uste dugu halako gertaerek gaindituta uste genuen garaira eramaten gaituztela". EAJren iritziz, bizikidetzaren aurkako erasoa da, eta "gurea bezalako herri demokratiko batean ez du inolako lekurik".
