Portugalek 3.757 milioi euroko zorra saldu du luzera begirako

Erreskatea jaso zuenetik, orain hamasei hilabete, Portugal ez zen merkatuetan azaldu luzera begirako finantzaketaren bila. Atzo 3.757 milioi euroko zorra saldu zuen hiru urterako epearekin. %3,35eko interesa ordaindu behar izan du zor merkatuetara egindako itzuleran. Altxorrak egindako jaulkipena, hala ere, 9.600 milioi eurokoa zen. Urtebete barru, erreskatearen dirua bukatu, eta merkatuetan bilatu beharko du berriro finantzaketa. %9ko interes jasanezina ordaintzen du gaur egun hamar urterako bonuan, erreskatea eskatu zueneko berbera; %17ra ere iritsi zen interes tasa hori. 730 inguruko arrisku saria du.